SEMPRE BENCHEGADOS NADAL

No proxecto competencial seguimos coñecendo os países do alumnado, e desta vez, seguindo co ciclo festivo investigamos como se celebra o Nadal en Brasil, Venezuela, Filipinas e México. 

 

ENTREGA DE PREMIOS DA POSTAL DE NADAL NO NADAL CULTURAL DE CARBALLO

 Os nosos compañeiros Jéssica e Gabriel formaron parte do xurado do concurso da postal e cartel de Nadal do Concello de Carballo, Alí tiveron un arduo traballo para escoller as mellores.

Hoxe foron invitados para axudar na entrega de premios. Daba gusto velos desempeñar esa nova función para eles.

MERCADO DE NADAL

 O día 14, un xoves de mercado coma sempre, o alumnado de quinto e sexto nivel puxemos e atendemos un posto no Mercado de Abastos.

Agradecemos ao Concello e aos traballadores e traballadoras do Mercado todas as facilidades que nos deron.

Foi moi boa experiencia, na que non faltou a publicidade, o márketing, o bo trato coa clientela, a amabilidade en todo momento, e como non, tamén as ganancias. 

Mirade que ben o pasamos.

ESPÍAS NO BOSQUE

Esta semana tivemos unha actividade moi interesante para coñecer mellor a nosa contorna.

Trátase da actividade ESPÍAS NO BOSQUE, con Senda Nova, coa que aprendemos a descubrir os animais que viven na nosa contorna. 

Comezamos luns cunha actividade na aula, coñecendo os posibles animais que podemos atopar se saímos ao bosque, tamén curioseamos nunha caixa de indicios e Jose ensinounos como preparar un caderno de indicios para recoller  as nosas propias descubertas.

O venres fomos á Laracha, concretamente á parroquia de Montemaior, e alí fixemos unha andaina polo río Bardoso. Descubrimos pasos de fauna, intentamos descobrer de que eran os excrementos que atopamos, saltamos regatos, usamos o noso caderno de indicios, e gozamos dunha fermosa mañá no medio da natureza, 

Neste vídeo podedes ver as fotos dos dous días. 

 

NADAL NO MUNDO

 Xa coñecemos un pouco mellor Venezuela e Brasil.

No vindeiro ano coñeceremos tamén México, Filipinas, Paquistán e quen sabe cantos países máis.

Agora chega o Nadal así que toca investigar como se celebra o Nadal neses países.

Se premes na imaxe vas atopar moitas ligazóns que che falan das datas, das celebracións, rituais, música, gastronomía....

Con iso vas ter que facer un traballo en grupo , así que vai mirando

PARA SABER DO NADAL DE GALICIA

  Se premes na imaxe abrirase unha recompilación de recursos cos que aprenderás moito do Nadal en Galicia

BRASIL

Aquí temos a recompilación do investigado sobre Brasil polo alumnado de Sexto Nivel sobre o país de Gabriel.

Brasil Mural by semprebenchegados on Scribd

Non todo foi ler e escribir.... Tamén experimentamos coa súa gastronomía E aquí tedes como fixemos BRIGADEIROS

E rematamos cunha caipirinha SEN ALCOOLH

ENREGUEIFÁMONOS

Pois sí, con Lupe Blanco e Josinho da Teixeira tivemos un achegamento á regueifa, e estamos dispost@s a intentalo. 

ENREGUEIFATE

Pois si, nós temos madeira regueifeira e por iso imos participar nun obradoiro esta semana

SAMAÍN

E así nolo pasamos no Samaín

UN MUNDO DE MEDO

 Dentro do Proxecto Benchegados o alumnado recompilou a que se lle ten medo nos distintos países dos que proceden.

Aquí tes esa recompilación terrorífica

UN MUNDO DE MEDO by semprebenchegados on Scribd

MAPAS INTERACTIVOS

 Preme no lugar e poderás practicar con mapas interactivos.

GALICIA

RELEVO DE ESPAÑA 

RELEVO DE ESPAÑA BIS 

RÍOS DE ESPAÑA 

RÍOS DE EUROPA 

MONTAÑAS DE EUROPA

BRASIL

E para ter máis información preme nas seguintes ligazóns  1 2 3 4 5

VENEZUELA

Despois de algo máis dun mes de investigación aquí está o que aprendemos do país de Octavio e Samara: Venezuela

VENEZUELA E LONDRES

Despois dun mes inmersos en dous países: o grupo de Sexto Nivel investigando o país de Octavio, Venezuela, e elaborando todo un dossier sobre ese país e o grupo de Quinto Nivel coñecendo a William Foog e Passepartou en Londres, e partindo con eles na súa viaxe dando a volta ao mundo toca agora disfrutar un pouco da gastronomía dos dous países. Así que sexto elaborou tequeños e arepas venezolanos e quinto un aromático té con pastas. Cos convites duns e outros gozamos todo o grupo dun xantar exquisito. Esperámosvos na seguinte etapa dos nosos viaxes...

SEMANA DA MOBILIDADE. ROTEIROS LITERARIOS

O último luns de setembro foi moi especial. En Carballo celebrábase a semana da Mobilidade , e fomos facer un Roteiro literario por todo o pobo. Percorremos un montón de recunchos que aparecen en distintas obras literarias. Na rotonda da Ponte da Pedra esperamos a Hadrián que nos foi levando, coa súa maleta por todo o percorrido. Claro que antes tivemos un anaquiño que aproveitamos no parque. E rematamos xantando algo tan de Carballo como pan e chocolate.

SEMENTEIRA EN SETEMBRO

Despois de recollida a colleita toca enriquecer a terra cun pouco esterco ecolóxico (hai que ver o que fedía) e facer a seguinte sementeira que esperamos dea os seus froitos no inverno: grelos, brócoli, coliflor e algún romanescu. Toca esperar, e no medio, se cumpre, regar.

HORTA EN SETEMBRO

 Que ben comezar o curso con tan abondosa colleita.

Comezamos en VENEZUELA

 

PREME NESTAS LIGAZÓNS      1      2      3      4    

BENVID@S AO CURSO 23-24

Comeza unha nova andaina con ilusións, novidades, e moitas ganas de estar xuntos e xuntas de novo.

Unha das novidades é o proxecto que guiará os nosos pasos ao longo de todo o mundo. 

O alumnado de Quinto Nivel seguirá a William Foog dando a volta ao mundo en 80 días (ou un pouco máis), e o de Sexto Nivel fará un achegamento aos distintos paises do alumnado, así que todos e todas partiremos de Galicia, (Europa) e pasaremos por África, Asia e América. Neste blog iremos contándovos aas nosas aventuras