ENTROIDO 2025

VISITA A SOMESO E ACURIUM FINISTERRAE

Dentro do programa Atrévete, de Eduemprende, fomos hoxe ao Centro de Formación Profesional de Someso en A Coruña, onde nos explicaron o que significa o emprendemento, e como deberiamos facer para participar no concurso Atrévete. Pero o mellor foi despois , xa que coñecemos o centro, visitamos os seus talleres, explicáronnos cales son as cinco familias profesionais que teñen, que posibilidades de formación teríamos alí, e ata vimos a Vieira, unha casa bioconstruída, para aproveitar da mellor maneira posible os recursos naturais, e na que consumiríamos moi pouca enerxía, xa que aproveitariamos mellor os que nos ofrece a natureza. Despois fomos xantar ao Acuarium Finisterrae, e tivemos unha visita guiada con Raquel, que nos gustou moito. Aquí tedes o vídeo coas fotos de todo o día.

BOLSAS DE TEA

E como unhas cousas levan a outras, non íamos botar a perder a pinturaa de tea que nos sobrou dos disfraces, así que pintamos unhas bolsas chulísimas que usaremos para ser máis respectuos@s co medio ambiente. Tamén andar tinguindo teas facendo batik nos dou ideas para facer unhas camisetas ben chulas que imos estrear estes días.

PREPARANDO O DISFRACE

Chega o tempo do entroido e tratábase de facer o disfrace dunha profesión tradicional. Pensámolo un pouco e decidimos ser panadeiros e panadeiras, así que man á obra, a nosa panadería vaise chamar PANSANLUÍS E pintamos os nosos traxes de traballo.

A NOSA CONTRIBUCIÓN Á DOCU SERIE DE ROSALÍA DE CASTRO

Todo o alumnado do colexio colaborou na creación dunha Docu-serie sobre a vida e a obra de Rosalía de Castro. Aquí tedes a nosa colaboración, tocounos recitar algúns dos seus poemas. A docuserie completa podédela ver no blog do Equipo de Dinamización da Lingua galega premendo AQUÍ

Coñecendo a Francisco Miguel II . Obradoiro de batik.... e máis

Na actividade do primeiro trimestre, arredor do artista Francisco Miguel, convidábasenos a que recreáramos obras do pintor. Nós fixemos unha obra colectiva, un mar precioso con tres papaventos, tamén Nagore e Nihad quixeron facer a súa obra persoal, con outros dous papaventos. E aprendemos a técnica de batik, que nos contou Hadrián que facía Francisco Miguel. Consiste en debuxar con cera derritida en tea, e despois tinguila. Obtivemos uns panos preciosos, cos que fixemos unha exposición. Neste vídeo podedes ver todo o proceso, e como nos quedaron. Non é nada dificil, proba ti.

RUTA LITERARIA E VISITA Á EXPOSICIÓN SOBRE AS MULLERES NA CIENCIA

 Por fin hoxe o tempo meteorolóxico permitiunos saír de paseo pola vila a facer unha ruta literaria con Hadrián García, que xa coñecemos doutras actividades.

Comezamos na rúa da Saúde, onde coñecemos un pouco mellor ao zapateiro poeta que presta o seu nome ao noso colexio, Xesús San Luís Romero, do que lemos un fragmento da súa obra O Fidalgo, 

despois, na praza de Galicia visitamos a ferretería de Pedrouzo, onde nos contaron un chiste de Carlos Díaz O Xestal,  

moi preto está a estatua de Alfredo Brañas, preto da casa onde naceu, e onde lemos un poema seu,

xa no Mercado falamos de como Manuel Rivas contaba que levou para a casa o mellor souvenir que puido de Carballo, e que non era cousa mellor que un gran molete de pan,

diante de Chocolates Mariño contáronnos como Xurxo Borrazás nunha novela contaba como nin unha bomba nuclear puido rematar co aroma do chocolate que tan ben coñecemos os que pasamos por alí, 

e foi unha mágoa porque tivemos que rematar pola choiva que empezou a caer, pero que aproveitamos nas escaleiras do Concello para probar unha onza dese chocolate tan rico que viñamos de ulir.

 Para rematar , nunha escampada, pasamos pola exposición da rúa Coruña onde nos falan de moitas mozas carballesas que están investigando nestes momentos en moi diversos campos da ciencia. 

Aquí vos deixamos unhas fotiños do percorrido da mañán. 

PASEO POLA HISTORIA

Esta semana fixemos un percorrido pola historia. Visitamos o castelo de Vimianzo, no que nos contaron moitos acontecementos da Idade Media que tiveron lugar alí, e despois nas Torres do Allo outros que pasaron na Idade Moderna.

Un Paseo Pola Historia Libro Idade Media E Moderna

Leer más publicaciones en Calaméo

DÍA DA PAZ

Experimento

 Como a profe foi a unha conferencia do investigador Angel Carracedo, aprendeu con el a visualizar o ADN a partir de amorodos.

Así que probamos de facelo na aula e foi moi chulo.

As plantas

 Preme nos seguintes números para acceder a recursos para coñecer mellor o mundo vexetal

1

2

3

4

OBRADOIRO DE REGUEIFA

Hoxe todo o alumnado do Terceiro Ciclo disfrutamos con Lupe Blanco e Josito da Teixeira facendo un obradoiro de regueifa. Aprendemos a rimar e a improvisar. E non queremos que a cousa quede aquí, imos facer as nosas regueifas para mandar a Enregueifate. E se queres saber máis preme AQUÍ

IDADE MODERNA

FESTIVAL DE NADAL E PAPÁ NOEL

Aquí están á vosa disposición, para que descarguedes o que queirades. Son fotos e vídeos do último día de clase, antes das vacacións de Nadal E tamén a visita de Papá Noel

TURRÓN DE CHOCOLATE

Como unha actividade máis do Nadal disfrutamos facendo turrón de chocolate Aquí veredes como o fixemos Pero ademais poderedes probalo porque debería estar no frigorífico de todos os fogares.

Cine de Nadal

Cando están chegando as vacacións de Nadal todo o alumnado do noso colexio acudimos ao cine para ver a película ROBOT SALVAXE.

WOMBO BONGO CON GALEATRO

 Esta semana fomos ao Pazo da Cultura ver unha obra de teatro titulada Wombo Bongo, na que Galeatro nos contou unha historia sobre o perigoso que é pasar moito tempo xogando no ordenador.

Son mundos irreais que nos afastan cada vez máis da realidade. Hai que ter moito coidado de non pasar moito tempo con eles, ou viviremos fóra da realidade.

DÍA DA DISCAPACIDADE CON UN PASO MÁIS

Hoxe tivemos unha actividade moi especial cos colaboradores e colaboradoras de Un paso máis. 

Fixemos deporte adaptado co que nos puxemos no lugar 

• dalguén que precisa unha cadeira de rodas, e tiramos a canasta sentados nunha delas,
• no lugar dalguén que ten problemas para mover as pernas por algún problema ou accidente e ten que botar unha carreira, 
• expresamonos sen poder falar e 
• xogamos co balón sen poder ver. 

Así é máis doado sentir empatía, iso que nos di a profe de poñerse nos zapatos dos demais. 

 

Coñecendo a Francisco Miguel

 Hoxe tivemos unha actividade co historiador Hadrián Gharcía . Con el coñecemos ao pintor Francisco Miguel. 

Só foi o principio, porque a partir de agora imos recrear algunha das súas obras, coñecer a técnica de batik, e mooooitas máis cousas que se nos van ir ocorrendo. 

Aquí está o vídeo da actividade de hoxe. 

E así foi o obradoiro

 Preme AQUI  e verás a publicación do Equipo de Dinamización da Lingua Galega que fixo sobre ese día