A NOSA FIESTRA

martes, 28 de marzo de 2023

HORTA DE MARZO

Coa primavera decidimos coidarnos producindo os nosos alimentos sementando na horta. Así teremos produtos frescos, ecolóxicos, e que non producirán contaminación porque non teñen que ser transportados. Comezamos preparando a terra, deixándoa sen unha soa herba, sementamos patacas, feixóns, espinacas, acelgas, amorodos,.... e regamos. Tamén unhas poucas herbas aronáticas para facer máis ricas as comidas que queremos cociñar . Agora toca esperar e coidar a horta. Xa vos iremos contando.

VISITA DE JOSÉ JIMÉNEZ BORJA

Seguimos traballando no noso proxecto "Cóidome, cóidote, coidámonos". Este 2.º trimestre é a quenda do cóidote e... quen nos coida a nós?

José Jiménez Borja é un claro exemplo de entrega á sociedade pois é policía local e ademais, superando moitos prexuízos sociais e a base de esforzo, é o primeiro policía xitano de Galicia 🚓🚔 Emociónanos saber que a ubicación do colexio lle trouxo recordos da súa infancia que estaban ligados á feira de Carballo 😍

Un orgullo ter compartido contigo a xornada do 24 de marzo. Moitas grazas por facelo posible 💕

Día da muller e a nena na ciencia

O 17 de marzo celebramos o Día da Muller e a Nena na Ciencia porque forma parte dun dos obxectivos que pretendemos co proxecto "Cóidome, cóidote, coidámonos" neste 2.º trimestre. Para iso acompañáronnos pola mañá un grupo de 5 investigadoras que traballan no CHUS. Houbo obradoiros para o alumnado de Educación Infantil e charlas máis teóricas nos cursos de Primaria. Con elas aprendemos que Galicia está na vangarda da investigación oncolóxica porque nos axudan a conseguir un diagnóstico máis temperá e un tratamento eficaz e personalizado Aquí podedes ver un vídeo que recolle a actividade

COMPOSTEIRO

Do Concello ofrecéronnos participar nun proxecto para ser produtores de compost, a partir dos residuos orgánicos que producimos cada día cos restos que nos quedan do que traemos para o recreo.

Explicáronnos como facer o compost, trouxeron todo o preciso, montamos o composteiro, e xa comezamos a producilo.

UN MUNDO MÁIS SUSTENTABLE

Preme na imaxe para facer algunhas actividades

luns, 27 de marzo de 2023

Etapa 4.- Suez - Exipto

Preme nas imaxes para ter máis información e actividades

E sobre a Canle de Suez preme nos números 1 2 3

xoves, 16 de marzo de 2023

CIENCIAS SOCIAIS

mércores, 15 de marzo de 2023

sábado, 25 de febreiro de 2023

SAÍDA A SANTIAGO

O día 23 de febreiro fixemos unha saída a Santiago de Compostela. Comezamos cunha visita guiada ao Museo de Historia Natural , despois, moi preto de alí, no Auditorio tivemos un concerto de música tradicional. Como chovía fomos xantar á Cidade da Cultura, onde tivemos incluso tempo de xogar polos seus xigantescos tobogáns e por último fomos ao Museo do Pobo Galego, onde fixemos un par de xogos de pistas para coñecelo mellor.

DESFILE E FESTA DO ENTROIDO 2023

SEGUNDA COLLEITA DE COGOMELOS NA AULA

SEMANA DO CORAZÓN

Coincidiu a Semana do Corazón coa preparación do Entroido, e así fixemos que as actividades fosen ao mesmo tempo para coidar o noso corazón e para ir quentando os motores para o Entroido

xoves, 23 de febreiro de 2023

Día de Rosalía. Caldo de Gloria

sábado, 11 de febreiro de 2023

ETAPA 3: ITALIA

Máis información premendo nos seguintes números

1 2 3 4 5 6 7 8

Coidámonos no Entroido coa Escola Galega de Consumo

Este venres tocounos un obradoiro de máscaras con Lucía, da Escola Galega de Consumo, que ademais de traernos os materiais para facer nós mesmos unha máscara de peliqueiro ensinounos que os disfraces son un xoguete máis e os coidados que temos que ter cando mercamos un.

Quedounos claro que temos que andar con ollo á hora de mercar, pois poden resultar perigosos polo material do que están feitos que pode inflamarse, non son axeitados á idade , teñen publicidade engañosa,,,,

luns, 30 de xaneiro de 2023

30 DE XANEIRO : DÍA DA PAZ

Celebramos o día da Paz dun xeito moi bonito: facendo voar poemas de paz e de amor. Nós escollemos o de Celso Emilio Ferreiro Teño un corazón senlleiro, que na voz de María sona fermosísimo.

ALIMENTOS DO REINO DOS FUNGOS

Cultivamos na aula uns cogomelos e quixemos probalos así que fixemos un revolto con ovos. Así probamos alimentos de varios reinos: - Os cogomelos, do reino dos fungos. - Os ovos, do reino dos animais. - O aceite de oliva, do reino dos vexetais, igual que o allo e o pirixel.

CHARLA COA DIETISTA...e máis

Estamos aprendendo moito sobre a alimentación, e este venres tivemos unha actividade moi interesante. Veu Tania, unha nutricionista, que nos explicou como debemos alimentarnos para estar ben nutrid@s. Trátase de ter unha alimentación variada e saudable. Neste vídeo podedes ver algunhas das cousas que aprendemos. O mellor foi o final,.... mirade e veredes.