Agora si que chegou o momento de dicir ADIÓS, e comezar outra andaina que non será peor que a que rematades, senón diferente.
Foi un pracer compartir estes anos con vós. Sempre quedaredes no meu corazón, espero que tamén nas miñas retinas de cando en vez.
Quérovos!!!
Premede na imaxe e teredes o álbum do día de hoxe.
Deixo aquí abaixo o vídeo que gravamos no último ensaio. Creo que paga a pena escoitalo sen ruído.
Hoxe foi un día moi especial cheo de xogos e risas.
Se queres ver as fotos preme AQUÍ
Podes descargar as que che interese
Menudo día pasamos na praia cos de Boaola.
Se premes na seguinte imaxe poderás ver todas as que fixemos esta xornada tan especial
Formando parte do Programa de Eduemprende "Atrévete" hoxe fixemos unha visita ao Centro Integrado de Formación Profesional en A Coruña.
Alí dúas profes ensináronnos o que era o emprendemento e como facer o noso proxecto de emprendemento do concurso Atrévete . A ver se nos imos atrevendo....
Despois ensináronnos todo o centro, onde hai moitas posibilidades de Formación Profesional: madeira, automoción, peluquería e estética, etc....
Tamén nos ensinaron A Vieira, unha casa bioclimática que aproveita a súa orientación e a súa forma, cunha viseira, para que entre máis sol no inverno e menos no verán, tamén unha cociña solar, que quentou a pota aínda que había nubes....
Despois de xantar e troulear un pouco na praia de Riazor fomos andando polo paseo marítimo de A Coruña ata o Muncyt, onde un monitor moi amable nos guiou por todo o museo explicándonos e facéndonos descubrir cun xogo moooooooitas cousas de todo o que alí se exhibe.
Un día moi completo.
Seguindo co proxecto Sempre Benchegados viaxamos estas semanas a Filipinas e hoxe tocou degustar a súa gastronomía. Fixemos un prato moi tradicional, o polo en adobo filipino, con salsa de soia, vinagre e polo. Podes ver como o fixemos paso a paso no vídeo.
Tamén probamos un brazo de Mercedes de sobremesa, aínda que nunha versión libre.
Pero estaba rico, rico.
